堅係隱世小店 @誠記小籠包拉麵
以呢間店既位置，遠離主要道路，遠離地鐵站，
得十零廿個座位，稱呼為“隱世小店”都不為過吧！
雖然位置不太方便，但其實每次晚市經過都人頭湧湧的，才令到一直都未有機會去試。
今次我五點半去到，暫得一枱客，未開始繁忙時間，而且，午餐及下午茶仍有供應，我就叫左一個“雲吞擔擔面” + “4隻小籠包”，凍檸茶。
雲吞麵上枱，都嚇一跳，下午茶咁大碗既？而雲吞呢，就應該有五隻，而且又係大大隻的。擔擔應有的花生香，花生味，唔算濃的，但極體下來不過不失。
而小籠包，四隻都輕鬆地夾起唔穿底，內裡爆湯亦多，唯一缺點係，包皮比較厚。
最後其實已經好飽，但既然來到，都忍唔住叫埋佢個“八寶冰”，$25，超抵食，內有幾種芋圓，仙草，小丸子，薏仁，珍珠等等的配料，我會比較喜歡這一間多於下一條街的康瑞甜品。
Search